Saturday, 17 September 2011
ത്വക്ക്----സംരക് ഷണം---നുഷ്യശരീരത്തിലെ ത്വക്‌ എന്ന അവയവത്തെയാണ്‌ മണ്‍സൂണ്‍കാലത്ത്‌ അന്തരീക്ഷത്തിലുണ്ടാവുന്ന വ്യതിയാനങ്ങള്‍ കൂടുതലും ബാധിക്കുക, അതിനുശേഷമാണ്‌ ശ്വാസകോശം, ഹൃദയം തുടങ്ങിയ അവയവങ്ങളെയും ബാധിക്കുക, മഴക്കാലത്ത്‌ ജലകണങ്ങള്‍ ഏറെ നേരം അന്തരീക്ഷത്തില്‍ നില്‍ക്കുകയും പലതരം മാറ്റങ്ങള്‍ക്കു ഇടനല്‍കുകയും ചെയ്യും. വളരെ ചെറിയ കുട്ടികളില്‍ ഈ സമയത്ത്‌ കൂടുതല്‍ ചൊറിച്ചിലും നീര്‍വീക്കവും ഉണ്ടാകുന്നു. ഈ ചൊറിച്ചിലിനുശേഷം ഈ ഭാഗങ്ങളില്‍ രോഗാണുക്കള്‍ പ്രവേശിക്കുകയും ചുവന്നു തടിക്കുകയും അതിനെത്തുടര്‍ന്ന്‌ ശക്തമായ വേദനയും ഉണ്ടാകുന്നു. ശരീരത്തിന്റെ പ്രതലത്തില്‍ ഏതു ഭാഗങ്ങളിലും വൃത്താകൃതിയിലുള്ള പാടുകളുടെ സമീപം ചുവന്നു തടിച്ചു വരികയും നീരൊലിപ്പും വേദനയും ഉണ്ടാവുകയും ചെയ്യുന്നു. വിയര്‍പ്പും ഈര്‍പ്പവും തങ്ങിനില്‍ക്കുന്ന സ്ഥലങ്ങളിലാണ്‌ ഇത്‌ കൂടുതലായി കണ്ടുവരുന്നത്‌. ഇതുകൂടാതെ തടിച്ച ശരീര പ്രകൃതിയുള്ള വ്യക്തികള്‍ക്ക്‌ ഇടങ്ങിയ ഭാഗങ്ങളില്‍ കാണുന്ന ഇന്റെഗ്രിഗോ (Intertrigo) എന്ന രോഗം ചുവന്ന്‌ വെളുത്ത്‌ പഴുത്ത്‌ അഴുക്കലിനും ഇടയാക്കുന്നു. വര്‍ഷക്കാലത്ത്‌ കൂടുതല്‍ കാണുന്ന മറ്റൊരു രോഗമാണ്‌ പരോണിച്ചിയ (Paronichia) സാധാരണ ഈ അസുഖം വെള്ളം കൂടുതല്‍ കൈകാര്യം ചെയ്യുന്ന വ്യക്തികളിലാണ്‌ കാണുന്നതെങ്കിലും കെട്ടിക്കിടക്കുന്ന വെള്ളത്തിലൂടെയുള്ള യാത്ര കാല്‍നഖങ്ങള്‍ക്ക്‌ ചുറ്റും എപ്പോഴും ഈര്‍പ്പമുള്ളതായി നില നിര്‍ത്തുന്നതാണ്‌ ഇതിനു കാരണം. നഖത്തിനു ചുറ്റും വീക്കത്തോടെയും ചുവന്നു തടിച്ച്‌ വേദന വരികയും ചെയ്യും. മണ്‍സൂണ്‍ കാലത്ത്‌ വരണ്ട ചര്‍മ്മവുമുള്ളവര്‍ക്ക്‌ ചര്‍മ്മത്തില്‍ അസ്വസ്ഥത ഉണ്ടാകുക പതിവാണ്‌. കോള്‍ഡ്‌ അര്‍ടികാരിക (Cold Articaria) എന്ന്‌ ത്വക്ക് രോഗ വിദഗ്‌ധര്‍ പറയപ്പെടുന്ന അസുഖം ചില വ്യക്തികളില്‍ കാണപ്പെടുന്നു. ഇവര്‍ക്ക്‌ തണുപ്പോ തണുത്തവെള്ളമോ ഐസ്‌കട്ടയോ ശരീരത്ത്‌ തട്ടുമ്പോള്‍ തടിപ്പ്‌ വരികയും ഒന്നു രണ്ടു ദിവസത്തേക്ക്‌ ആ തടിപ്പ്‌ കാണുകയും ചെയ്യുന്നു. പ്രായമാകുക എന്ന പ്രകിയയ്‌ക്ക്‌ ത്വക്കും കീഴ്‌പ്പെടുന്നു. ചിലരില്‍ ഈ വ്യതിയാനം നേരത്തെ കണ്ടുവരുന്നു. ത്വക്കിന്റെ പ്രതലത്തിലുണ്ടാവുന്ന കട്ടിക്കുറവിനെ കൂടാതെ ശ്വേതഗ്രന്ഥി സ്രവത്തിലുണ്ടാകുന്ന വ്യതിയാനങ്ങള്‍ക്ക്‌ വിയര്‍പ്പ്‌ ഗ്രന്ഥികളുടെ എണ്ണം കുറഞ്ഞുവരികയും ചെയ്യുമ്പോള്‍ അതിനെ Asteotic eczema എന്നു വിളിക്കുന്നു. ഇത്തരം ആള്‍ക്കാര്‍ വര്‍ഷകാലത്തോട്‌ പൊരുത്തപ്പെടുവാന്‍ പ്രയാസമുള്ളതായി കാണുന്നു. ഇതിന്റെയും രോഗലക്ഷണം അസഹ്യമായ ചൊറിച്ചില്‍ തന്നെയാണ്‌. സര്‍വ്വസാധാരണമായി കാണുന്ന താരന്‍. ചില വ്യക്തികളില്‍ എക്‌സിമ (eczema) യുടെ രൂപത്തില്‍ കാണുന്നുമുണ്ട്‌. വര്‍ഷകാലങ്ങളിലാണ്‌ ഇത്‌ കൂടുതല്‍ കാഠിന്യത്തോടുകൂടി കാണപ്പെടുന്നത്. ശരീരഭാഗങ്ങളില്‍ തലയിലും കക്ഷത്തിലും നെഞ്ചത്തും മുതുകിലും ജനനേന്ദ്രിയത്തിനും ചുറ്റും ശ്വേതഗ്രന്ഥികള്‍ കൂടുതല്‍ കേന്ദ്രീകരിച്ചിരിക്കുന്നതിനാല്‍ ഈ ശരീരഭാഗങ്ങളില്‍ കൂടുതല്‍ രോഗലക്ഷണങ്ങല്‍ കാണുന്നു. മറ്റൊരു പ്രധാനകാരണം ഈറംകാല്‍ എന്നും വളംകടിയെന്നും വിളിച്ചുവരുന്ന ഗ്രൗണ്ട്‌ (ground itch) എന്നു പറയുന്ന രോഗമാണ്‌ മഴക്കാലങ്ങളില്‍ നഗ്നപാദരായ നടക്കുന്ന ആളുകളിലാണ്‌ ഇത്‌ കൂടുതലായും കണ്ടുവരുന്നത്‌. നനഞ്ഞു കിടക്കുന്ന മണല്‍ പ്രദേശത്തോ കൃഷിയിടങ്ങളിലോ നിന്ന്‌ ജോലി ചെയ്യുന്നവരിലാണ്‌ ഇത്തരം പ്രശ്‌നങ്ങള്‍ കണ്ടുവരുന്നത്‌. പലതരത്തിലുള്ള വിരകളുടെ മുട്ടകള്‍ മണ്ണില്‍ കിടന്ന്‌ വിരിയുകയും അവയുടെ ലാര്‍വകള്‍ ശരീരഭാഗങ്ങളിലേക്ക്‌ കടക്കുന്ന കവാടങ്ങളിലാണ്‌ ഇങ്ങനെ രൂപപ്പെടുന്നത്‌. ഇത്തരത്തില്‍ കണ്ടുവരുന്ന മറ്റൊരു രോഗമാണ്‌ (migrains) എന്ന്‌ വിളിക്കപ്പെടുന്നത്‌. ത്വക്കില്‍ കൂടി കടക്കുന്ന ഇത്തരം ലാര്‍വകള്‍ ത്വക്കിനിടയില്‍ കൂടി സഞ്ചരിക്കുമ്പോഴുണ്ടാകുന്ന അസഹ്യമായ ചൊറിച്ചിലും അതു വഴിയുണ്ടാവുന്ന വരകള്‍പോലുള്ള പാടുകളും അതിന്റെ ലക്ഷണങ്ങളാണ്‌. ഈ രോഗങ്ങളെ ഫലപ്രദമായി തടയുന്നതിന്‌ പല മാര്‍ഗ്ഗങ്ങളുണ്ട്‌. അന്തരീക്ഷത്തില്‍ തങ്ങിനില്‍ക്കുന്ന ഈര്‍പ്പം തന്നെയാണ്‌ പ്രധാനപ്രശ്‌നം. അതുകൊണ്ട്‌ ശരീരത്തിന്റെ ഉപരിതലമായ ത്വക്കില്‍ നിന്ന്‌ ഈര്‍പ്പം ഉണങ്ങിവെയ്‌ക്കണം. നനഞ്ഞ വസ്‌ത്രങ്ങള്‍ ഒഴിവാക്കണം. വിരലുകള്‍ക്കിടയില്‍ തങ്ങിനില്‍ക്കുന്ന ഈര്‍പ്പം തുടച്ച്‌ ഉണക്കിവെക്കണം.
Subscribe to:
Post Comments (Atom)
No comments:
Post a Comment